சூழலியல் சமூக நீதி - தொட்டியபட்டி

Image may contain: one or more people and outdoor

சூழலியல் சமூக நீதி - தொட்டியபட்டி நிலமற்ற கூலி விவசாய தொழிலாளர்களின் பிரச்சனையோ, தண்ணீர் மறுக்கப்படும் ஒடுக்கப்பட்ட சமூக மக்கள் மீதான வன்முறையோ, மீனவர் படுகொலையோ, காடுகளில் இருந்து மலைவாழ் மக்கள் விரட்டியடிப்பு உள்ளிட்ட சமூக அநீதி சிக்கல்கள் சூழலியல் பிரச்சனைகளோடு பிணைந்திருக்கின்றன. அணு உலை, நியூட்ரினோ உள்ளிட்ட அரசின் பேரழிப்பு திட்டங்களால் பாதிக்கப்பட போவது எளிய உழைக்கும் மக்கள்தான். அதிலும் குறிப்பாக ஒடுக்கப்பட்ட சமூக மக்கள்தான் அரசின் பலிபீடங்களுக்கு காணிக்கையாக்கபடுகிறார்கள். பன்னாட்டு நிறுவன முதலாளிகளுக்கு எதிராக ஓரணியில் எளிய மக்கள் அனைவரும் பாட்டாளி வர்க்கமாக ஒன்று திரண்டு விடக்கூடாதென்று, சாதிய மோதல்களை, முரண்களை தக்கவைக்கிற அல்லது வளர்த்தெடுப்பது அரசின் நோக்கமாக இருக்கிறது. சூழலியல் அரசியல் பிரச்சாரம் அல்லது கருத்துருவாக்கம் இதனை உள்ளடக்கியதாக இருக்கிறது. இயற்கை வளங்களை தங்கள் உழைப்பின் மூலம் உற்பத்தி பொருள்களாக மாற்றுகிற பாட்டாளி வர்க்கத்தின் நிகழ் சிக்கல்களை, பல சூழலியல் செயற்பாட்டாளர்கள் பேசு பொருளாக முன்வைப்பதே இல்லை. மக்களை நீக்கிவிட்டு இயற்கை வளங்களையும், பல்லுயிரிகளையும் பாதுகாப்பது மட்டுமே சூழலியல் மீட்பாக, தொண்டு நிறுவனங்கள் சூழலியல் கருத்தாக வளர்த்தெடுக்கின்றன. இதனை வர்க்க ரீதியாக எதிர் கொள்வதிலிருந்தே மக்களுக்கான சூழலியல் கருத்துருவாக்கம் துவங்குகிறது. அவ்வகையில் தொட்டியபட்டியில் சுடுகாட்டு அடிகுழாயில் தண்ணீர் பிடிக்க சென்ற அருந்ததியின மக்களை, விரட்டிவிட்டு, தங்கள் ஆதிக்கத்தை நிறுவுவதற்காக அருந்ததியின மக்களின் வீடுகளை, பொருட்களை சேதப்படுத்தி தீயிட்டு கொளுத்தியிருக்கிறார்கள் ஆதிக்க வெறிகொண்ட நாயுடு சமூகத்தை சேர்ந்தவர்கள். தண்ணீர் ஒட்டுமொத்த உயிரினங்களின் உரிமை என்று பேசுகிற சூழலியல் ஆர்வலர்கள், சகமனிதனியினத்தின் உரிமை மறுப்பாக நீடிக்கிற தண்ணீர் குறித்து பேச வேண்டும். ஒடுக்கப்பட்ட சமூக மக்கள் நிலம், நீர், காடு, மலை மீது கொண்டுள்ள உரிமை பறிக்கப்படுவதை உரையாடுவதிலிருந்தும், ஒடுக்கப்பட்ட மக்களுக்கு ஆதரவாக நிற்பதிலும் இருந்தும் துவங்குகிறது சூழலியல் சமூக நீதி. இந்த சிக்கலையும், வன்முறையையும் நீட்டிக்கும் அரசின் தண்ணீர் தனியார்மய கொள்கைகளை எதிர்க்க வேண்டும். தீண்டாமையை சட்டம்போட்டு தடை செய்தவர்கள் தீண்டாமையின் வேராக இருக்கிற சாதியை ஏன் தடை செய்யவில்லை? என்கிற கேள்விக்கான பதிலில் இருக்கிறது இங்கு இயங்குகிற அமைப்புமுறையின் லட்சணம். குடிநீர், சமையல், குளியல் உள்ளிட்ட அருந்ததியின மக்களின் அடிப்படை தேவைக்கு மறுக்கப்படுகிற தண்ணீரானது, அதே மக்களிடம் பொது கழிப்பறைகளை கையால் சுத்தம் செய்வதற்கு மட்டும் அரசால் இலவசமாக தருப்படுகிறதென்றால், அதன் அரசியலை பேசுவதே சூழலியல் சமூகநீதி அல்லது பெரியாரிய அம்பேத்காரிய சூழலியல் நாணல் நண்பர்கள் இயக்கம் 8608266088 4.4.2017

Comments

Post a Comment

Popular posts from this blog

நம்ம வரலாறு - நாட்டார் தெய்வங்கள்

Image
நாணல் நண்பர்கள் குழு ஒருங்கிணைக்கும் 3வது "நம்ம வரலாறு" நிகழ்வு கடந்த 15.06.2014 ஞாயிறு, மாலை 4.30 மணிக்கு மதுரை பாண்டி முனீஸ்வரன் கோவிலில் நடந்தது. இம்முறை நம்ம வரலாறு நிகழ்வில் "நாட்டார் தெய்வங்கள்" குறித்து எடுத்துரைக்கபட்டது. நம்ம வரல ாறு நிகழ்வின் ஒருங்கிணைப்பாளர் திரு. சா. கான்சா சாதிக் மற்றும் சே. ஸ்ரீதர் நெடுஞ்செழியன் மிகவும் நேர்த்தியாக திட்டமிட்டு நிகழ்வை ஒருங்கிணைத்திருந்தார்கள். நாட்டார் தெய்வமான பாண்டிக் முனீஸ்வரன் கோவில் இடத்தை நாட்டார் தெய்வங்கள் குறித்து பேச தேர்வு செய்ததில் இருந்தே புரிந்துக் கொள்ளலாம். நாற்பது வருடங்களாக நாட்டார் வழக்குகள், நாட்டுபுற இசை, தமிழிசை ஆராய்ச்சிக்கென தன் வாழ்வை அர்பணித்த தமிழிசை அறிஞர் திரு. மம்மது அவர்களை நிகழ்வின் சிறப்பு பேச்சாளாராக அழைத்து கூடுதல் சிறப்பு. தாது மணல் கொள்ளை, அணு உலைக்கு எதிராக போராடி வரும் தோழர். முகிலன், வானகத்தில் இருந்து வெற்றிமாறன், மே 17 இயக்கத்தை சேர்ந்த கார்த்திகேயன், இயற்கை ஆர்வலர் திரு. சுந்தர கிருஷ்ணன், சுற்றுலா வழிகாட்டி திரு. சிவ குருநாதன், சமூக ஆர்வலர்கள் திரு. வ...
Read more

மாட்டு இறைச்சியும் எங்கள் பண்பாடே!

Image
சென்னை ஐ.ஐ.டி ஆய்வு மாணவர் சூரஜை கொடூரமாக தாக்கிய கோமாதா பக்தர்களான பாசிச இந்துத்துவ மாணவர் அமைப்பையும், அதன் மீது நடவடிக்கை எடுக்காத தமிழக அரசையும் வன்மையாக கண்டிக்கிறோம். தமிழர்கள் மாட்டிறைச்சி உண்டது பற்றி சங்க இலக்கியம் பதிவு செய்கிறது. அகநானூறு, நற்றிணை ஆகியவற்றில் மாட்டு இறைச்சி பற்றிய குறிப்புகள் உள்ளன. "கலங்குமுனை சீறூர் கைத்தலை வைப்பக் கொழுப்பு ஆ தின்ற கூர்ம்படை மழவர்" - (அகம் 129) சிறிய ஊரினர் கையை தலை மீது வைத்து வருந்தும்படி, அவருடைய கொழுத்த ஆவினை (பசு) கவர்ந்து சென்று தின்ற கூரிய படையையுடைய மழவர் என்று அகநானூறு கூறுகிறது. அகநானூற்றின் 309ஆம் பாடல் பசுவை தமிழ் கடவுளுக்கு பலிகொடுத்து, பின்னர் அதன் இறைச்சியை மறவர்கள் உணவாக உட்கொண்டார்கள் என குறிப்பிடுகிறது. "வயவாய் எறிந்து வில்லின் நீக்கி பயநிரை தழீஇய கடுங்கண் மறவர் அம்புசோன் படுத்து வன்புலத்து உய்த்தென தெய்வஞ் சேர்ந்த பராரை வேம்பிற் கொழுப்பா ஏறிந்து குருதி தூ உய்ப் புலவுப் புழுக்குண்ட வான்காண் அகலறை" (அகம் 309) பாணர்கள் ...
Read more

வெள்ளிமலை கோயில்காட்டை மீட்போம்

Image
இடையப்பட்டி வெள்ளிமலை காடு ஒரு அறிமுகம்:   மதுரை மாவட்டம் வடக்கு வட்டம் , தெற்கு ஆமூர் அஞ்சல் , இடையபட்டி ஊரில் அமைந்துள்ளது வெள்ளிமலை காடு. உசில் மரங்கள் அடர்ந்த காட்டின் மையத்திலுள்ள வெள்ளிமலை என்றோர் குன்றில் கட்டப்பட்டுள்ளது ஆண்டிமுருகன் கோவில். எனவே இதனை வெள்ளிமலை காடு என்று அழைக்கின்றனர். வெள்ளிமலை காட்டை சுற்றி கிழக்கே ஓவாமலை , ஒத்தமலை   மேற்க்கே கருப்புகால் ஊரும் தெற்க்க ே தச்சனேந்தல் ஊரும் வடக்கே இடையபட்டி ஊரும் அமைந்துள்ளது. அரசு வருவாய்துறை பதிவேட்டில் வெள்ளிமலை காடு "தீர்வு ஏற்படாத தரிசு புறம்போக்கு நிலமாக" குறிக்கப்பட்டுள்ளது. இக்காடு 461 ஏக்கர் பரப்பளவு கொண்டது. முன்பு 700 ஏக்கருக்கும் அதிகமாக இருந்ததென்று ஊர் பெரியவர்கள் சொல்லுகின்றனர். ஆடு மேய்ச்சலை தொழிலாக கொண்ட இடையர் குலத்தவர்கள் வாழ்ந்த பகுதி என்பதால் வெள்ளிமலை காடு அமைந்துள்ள ஊர் இடையர்பட்டி என்றும் பின்னாளில் இடையபட்டி என்று அழைக்கப்பட்டு வருவதாக கூறப்படுகிறது. மேய்ச்சல் தொழிலை அடிப்படையாக கொண்டவர்களின் வாழ்வாதாரமாக வெள்ளிமலை காடு விளங்குகிறது. வெள்ளிமலை காடு தமிழகத்தில் அரிதாகி வரும் நா...
Read more